Bashkimi Evropian (BE) dhe Meksika kanë shprehur zhgënjim ndaj kërcënimit të Presidentit të SHBA-së, Donald Trump, për të vendosur tarifa prej 30% mbi importet e tyre duke filluar nga 1 gushti.
Meksika kritikoi atë që e quajti “marrëveshje të padrejtë” të Trump dhe këmbënguli se sovraniteti i saj ishte i panegociueshëm, ndërsa shefja e BE-së, Ursula von der Leyen kërcënoi të merrte “kundërmasa proporcionale” nëse do të ishte e nevojshme. Të dy thanë se donin të vazhdonin negociatat me SHBA-në, shkruan BBC.
Trump ka paralajmëruar se do të vendosë taksa edhe më të larta mbi importet nëse ndonjëri prej partnerëve tregtarë të SHBA-së vendos të hakmerret, transmeton KosovaPress.
Këtë javë, Trump njoftoi gjithashtu tarifa të reja për mallrat nga Japonia, Koreja e Jugut, Kanadaja dhe Brazili duke filluar nga muaji i ardhshëm.
Burimi: botasot.info
