Valmir Kakruki ka nënshkruar kontratë profesionale me një nga klubet më të mira në vendin tonë, Sigal Prishtina.
Basketbollisti Kakruki është ftuar nga trajneri i kombëtares së Maqedonisë së Veriut (senior), Marjan Ilievski, për të qenë pjesë e përgatitjeve për garat parakualifikuese në Kupën e Botës 2027.
“Jam i lumtur që mora ftesë nga trajneri.
Do të jap më të mirën time, si unë ashtu edhe shokët e ekipit, dhe mendoj se do të jemi fitues në këto ndeshje dhe se do të ecim para”, tha mes të tjera Kakruki për faqen e Federatës së Basketbollit të Maqedonisë së Veriut.
“Mendoj se kemi lojtarë mjaft të mirë e të talentuar, dhe nëse na jepet një rast i tillë, pse mos ta shfrytëzojmë.
Kemi gjasa për sukses dhe Maqedonia të kalojë në një nivel më të lartë, në Kampionatin Evropian ose Botëror”, tha mes të tjera basketbollisti..
Burimi: botasot.info
