Trajneri i Kombëtares shqiptare, Sylvinho, ka publikuar listën me lojtarët e grumbulluar për dy sfidat e shtatorit.
Një listë surprizuese pasi në të nuk ka asnjë ndryshim nga grumbullimi i herës së fundit, ku kuqezinjtë barazuan me Serbinë në Tiranë dhe me Letoninë në transfertë, duke e komplikuar kualifikimin.
Të vetmit që mungojnë janë portieri Alen Sherri dhe mbrojtësi Ardian Ismajli, të dy për shkak dëmtimi, ndërsa nuk ka asnjë emër të ri.
Shqipëria do të luajë me Gjibraltarin një duel miqësor më 4 shtator në orën 18:00, në “Europa Point Stadium” të Gjibraltarit, ndërsa pas 5 ditësh do të presë në “Arenën Kombëtare” Letoninë, në sfidën e vlefshme për Kualifikueset e Botërorit 2026.
Top Channel
Burimi: top channel
