Ashley James pozoi me një palë mbathje për inkontinencë gjatë fundjavës, teksa rrëfeu për ndjekësit e saj përvojën që e cilësoi si “poshtëruese” dhe “përulëse” gjatë një udhëtimi në Paris.
Ylli i This Morning, 39 vjeçe, udhëtoi drejt kryeqytetit francez me partnerin e saj, Tommy Andrews, për të ndjekur rezidencën e Celine Dion, si një dhuratë për ditëlindje. Mirëpo, udhëtimi mori një kthesë të papritur pasi Ashley la në trenin Eurostar çantën e saj me sendet personale, ku kishte edhe pecetat për inkontinencë.
Ashley ka folur hapur prej kohësh për problemet me inkontinencën fekale, të cilat i kanë mbetur pas lindjes traumatike të djalit të saj, Alfie, në vitin 2021. Ajo ka treguar se gjatë lindjes kishte pësuar një çarje të shkallës së tretë, e cila nuk ishte konstatuar në kohë dhe më pas ishte qepur në mënyrë të pasaktë.
Në një postim në Instagram të dielën, të titulluar “INCONTINENCE IN PARIS”, Ashley tregoi se përvoja e vështirë pas lindjes vazhdon të ndikojë tek ajo edhe sot.
Ajo tha se pasi kishte harruar çantën me pecetat e saj në Eurostar, partneri i saj Tommy u detyrua të dilte në Paris për të blerë të tjera. Megjithatë, për shkak se një pjesë e Champs-Élysées ishte e mbyllur, ai u kthye me një zgjidhje disi të papritur: në vend të pecetave, bleu mbathje Tena për inkontinencë.
Ashley e ndau historinë me ndjekësit duke thënë se udhëtimi i saj në Paris kishte ardhur edhe me “një dozë të vogël poshtërimi”, ndërsa falënderoi publikun për reagimet jashtëzakonisht pozitive pasi ajo kishte treguar fillimisht situatën në rrjetet sociale.
Burimi: botasot.info
