Këtë të diel është arrestuar në flagrancë ish-drejtori i Autoritetit Kombëtar të Ushqimit për Qarkun e Durrësit.
Në pranga i vu Elton Varaku, 41-vjeç, banues në Shijak.
Sipas policisë, Varku u arrestua pasi në ambientet e AKU-së ka shkatërruar objekte të ndryshme pune. Gjithashtu ka përdorur gjuhë kërcënuese dhe fyese ndaj punonjësve të institucionit.
“Specialistët për Hetimin e Krimeve të Komisariatit të Policisë Durrës arrestuan në flagrancë shtetasin E. V., 41-vjeç, banues në Shijak, ish-Drejtor i AKU-së Durrës, pasi në ambientet e AKU-së ka shkatërruar objekte të ndryshme pune. Gjithashtu ka përdorur gjuhë kërcënuese dhe fyese ndaj punonjësve të institucionit”,-thuhet në njoftim.
Burimi: botasot.info
