Ditën e Mërkure Apple tha se përdoruesit e iPhone 14 do të përfitojnë edhe 1 vit tjetër falas të shërbimit të komunikimit satelitor për emergjencat.
Quajtur “Emergency SOS”, përdoruesit mund të dërgojnë mesazh me tekst tek shërbimet e emergjencave edhe nëse janë jashtë një mbulimi Wi-Fi dhe celular.
Është një funksionalitet mjaft i dobishëm në rastet kur përdoruesit bëjnë hiking dhe kanë një emergjencë por që ju mungon akses në internet apo komunikim të çdo lloj forme tjetër.
Apple kishte vendosur të tarifonte për shërbimin por zgjodhi ta shtyjë edhe me një vit ndërsa nuk ka treguar sesa do të kushtojë.
Ndërkaq Qualcomm nga ana tjetër i dha fund bashkëpunimit me kompaninë satelitor Iridium pasi plani për ofrimin e një shërbimi të ngjashëm tek telefonët Android dështoi.
Iridium tha se prodhuesit e smartfonëve nuk kishin përfshirë teknologjinë në pajisjet e tyre duke cituar mungesën e interesit.
Aktualisht shërbimi i komunikimit satelitor në iPhone 14 ofrohet në 17 vende të botës. /PCWorld Albanian
BURIMI: PCWORLD.AL
