Apple ka lansuar një video të re me titull “All-access with Dua Lipa”, ku ylli i pop-it shfaqet gjatë një dite të turneut të saj Radical Optimism.
Videoja është realizuar tërësisht me iPhone 17 Pro, duke sjellë pamje nga momentet e përditshme të artistes ndërsa përgatitet për performancat e saj.
Ky projekt është pjesë e fushatës promocionale #ShotoniPhone17Pro, e cila synon të theksojë kapacitetet e avancuara të kamerës së modelit më të ri të Apple.
Kamera e iPhone 17 Pro konsiderohet si një nga pikat më të forta të pajisjes:
përfshin tre lente 48 MP, deri në 8× zoom optik dhe një kamerë të përparme 18 MP që ndjek automatikisht përdoruesin gjatë regjistrimit të videove.
Telefoni vjen në ngjyrat Cosmic Orange, Deep Blue dhe Silver, me hapësirë ruajtjeje nga 256 GB deri në 2 TB.
Çmimi fillestar është $1,099, ndërsa pajisja funksionon me sistemin e ri iOS 26, i cili sjell funksione të zgjuara dhe të përmirësuara të Apple.
Burimi: botasot.info
