Një gjykatë Europiane bëri gabime ligjore kur vendosi në favor të Apple për gjobën 14 miliardë dollarëshe vendosur ndaj kompanisë nga Komisioni Europian.
Një këshilltar i një gjykate të lartë Europiane tha ditën e Enjte se çështja duhet të rishihet edhe njëherë.
Çështja u soll kundër Apple nga Komisionerja për Konkurrencën Margaret Vestager e cili goditi marrëveshjes e bëra mes vendeve anëtare të BE-së dhe kompanive shumëkombëshe si Apple.
Rregullatorët e shikonin një praktikë të tillë si ndihmë shtetërore e pandershme. Në vendimin e marrë në 2016-ën, Komisioni thoshte se Apple ka përfituar nga dy vendime të Irlandës për mëse dy dekada për të reduktuar në mënyrë artificiale taksat që paguante në nivelin 0.005%.
Gjykata e Përgjithshme Europiane vendosi në favor të Apple në 2020-ën duke thënë se rregullatorët nuk kanë përmbushur kriteret e nevojshme ligjore që tregonin se Apple ka përfituar avantazh të padrejtë.
Por këshilltari i përgjithshme Giovanni Pitruzzella i Gjykatës Europiane të Drejtësisë nuk është dakord duke thënë se gjykatësit duhet të rikthejnë çështjen tek gjykata më e ulët për gjykim nga e para.
Ai tha se Gjykata e Përgjithshme kreu një sërë gabimesh në ligj dhe gjithashtu nuk kishte “vlerësuar saktë thelbin dhe pasojat e disa gabimeve metodologjike që, sipas vendimit të Komisionit, prishën vendimet tatimore”.
GJED-ja, e cila do të vendosë në muajt e ardhshëm, ndjek rreth katër në pesë rekomandime të tilla.
/PCWorld Albanian
BURIMI: PCWORLD.AL
