Aplikacioni Threads i Meta është rritur në 300 milionë përdorues me më shumë se 100 milionë përdorues që shfrytëzojnë rrjetin social çdo ditë.
Lajmin e dha Mark Zuckerberg përmes një postimi në Threads duke thënë se aplikacioni po kalon një moment të mirë.
Ai vazhdimisht është shprehur se Threads ka potencialin për tu bërë aplikacioni i radhës me mbi 1 miliardë përdorues. Ende rrjeti social gjendet shumë larg atij objektivi.
Aplikacioni arriti 100 milionë përdorues në Vjeshtën e vitit të kaluar dhe 275 milionë këtë Nëntor. Është aplikacioni i dytë më i shkarkuar në App Store pas Temu.
Në javët në vijim Threads do të kalojë nëpër disa ndryshime madhore. Kompania raportohet se do të eksprimentojë me reklamat e para në fillim të 2025.
Bluesky gjithashtu ka parë një rritje të konsiderueshme kohët e fundit. Shërbimi i decentralizuar gati dyfishoi bazën e përdoruesve në nëntor dhe aktualisht ka pak më shumë se 25 milionë përdorues.
BURIMI: PCWORLD.AL
