Seanca e sotme gjyqësore në lëndën kundër ish-kryetares së Komisionit Shtetëror për Parandalimi e Korrupsionit (KSHPK), Tatjana Dimitrovska, është anuluar për shkak se Gjykata e Apelit ende nuk ka marrë vendim për atë se cila aktakuzë është kompetentë për të zhvilluar procedurën.
Siç është komunikuar në seancën e sotme, pritet vendim nëse lëndën do ta ndërmerr Prokuroria Themelore Publike për Ndjekje të Krimit të Organizuar dhe Korrupsion ose Prokuroria Themelore Publike. Anulimi vijon pas një ankesë të parashtruar nga mbrojtja e të pandehurës Biljana Petrovska-Manteva, e cila në këtë moment ngarkohet për dhënie të sekretit zyrtar.
Dimitrovska akuzohet për dy vepra penale – dhënie e sekretit shtetëror të ish-drejtorëve të TEC “Negotinë”, Nebojsha Stojanoviq, i akuzuar në rastin “Aditiv”, si dhe për falsifikim kompjuterik, përkatësisht se auditori Mile Stolevski e ka bërë testin për të marrë një certifikatë sigurie për qasje në informacione të klasifikuara në emër të saj.
Seanca e re për rastin është caktuar për më 18 shkurt të këtij viti.
