Boksieri me prejardhje rumune por qe ka nënshtetësi dhe zvicerane, Marius “Black” Antonietti, pasi u bashkua me menaxherin e njohur shqiptar, Dyli Salihu nuk ka të ndalur. Ai nga katër ndeshjet e tij nën kontrollen e Salihut ka arritur po aq fitore ku ndër ta ka fituar madje edhe dy tituj.
Suksesi i tij i fundit ishte në fundjave ne qytetin e Kelnit te Gjermanisë, kur kishte mposhtur bokserin gjeorgjian, Malkhaz Sujashvili, kundërshtar ky i cili kishte humbur para disa viteve dhe tani kjo ishte një revansh i ëmbël për të.
Me sukseset e arritura u shpreh i kënaqur edhe vet boksieri duke shtuar “Në ndeshjen e parë, pata dhimbje në dorën time të djathtë, e cila ende më shfaqet herë pas here. Këtë herë, shtyva menjëherë, duke u përpjekur ta surprizoj, dhe funksionoi,” tha ai, duke shtuar.
“Falënderoj menaxherin tim, Avdyl Salihu, i cili beson tek unë dhe të cilin e respektoj shumë,” vazhdoi Antonietti. “Ai synon të më ngrejë më lart në renditje, dhe mund ta falënderoj vetëm për besimin e tij.
Ndeshja ime e radhës do të jetë në Tetor në Uster në Zvicër ku edhe pres mbështetje të madhe”, deklaroi Antonietti, i cili planifikon sivjet te luftoj madje edhe ndeshje për titull WBC ose WBO.
Ndryshe, ky boksier ne karrierën e tij ka shënuar 19 fitore dhe vetëm 5 humbje..
Burimi: botasot.info
