Angellov: Zjarri në “Drislla” nuk është alarmant, por shuarja është proces i ndërlikuar për shkak të gazrave të djegshëm

2

Shkup, 9 shtator – Zjarri që pasdite shpërtheu në deponinë “Drislla” nuk është alarmant, informoi drejtori i Drejtorisë për mbrojtje dhe shpëtim, Stojanço Angellov, i cili informoi për zjarrin.

“Nuk është alarmant. Brigada për mbrojtje zjarrfikëse e Shkupit punon në shuarjen e tij. Shuarja e zjarrit në cilëndo deponi është punë e ndërlikuar për shkak të proceseve kimike dhe biologjike, të cilat zhvillohen në brendinë e deponisë, si rezultat të të cilave krijohen gazëra të djegshëm”, tha Angellov.