anb zbulon rrjet terrorist ne maqedoni planifikonin atentat ne greqi 6afc44cf0eaa1

ANB zbulon rrjet terrorist në Maqedoni, planifikonin atentat në Greqi

November 17, 2026
1 minut lexim
gjyq

Shërbimi i Sigurisë Kombëtare (ANB) ka zbuluar një rrjet kriminal në Maqedoninë e Veriut, i cili dyshohet se po përgatiste një sulm terrorist ndaj një personi të caktuar në Greqi, nën udhëzimet e një shtetasi iranian të lidhur dyshohet me rrjetet informative të Iranit.

Këtë e bëri të ditur drejtori i ANB-së, Bojan Hristovski, duke zbardhur detaje nga një operacion që kishte zgjatur rreth nëntë deri në dhjetë muaj.

Sipas Hristovskit, rrjeti në Maqedoni ishte i lidhur me shtetasin iranian Edris Jahangiri Mavaneh, për të cilin, sipas informacioneve të ANB-së, ekzistojnë dyshime për bashkëpunim me shërbimet iraniane të sigurisë dhe inteligjencës, si dhe lidhje me personin e njohur si Nazhi Sharifi Zindashti.

Anëtarët e rrjetit, të cilët sipas ANB-së ishin pjesë e strukturave kriminale në vend, kishin marrë përsipër përgatitjet logjistike për realizimin e atentatit. Ata zhvillonin takime të fshehta në vende të treta, përfshirë edhe Iranin, në koordinim me personin që dyshohet se drejtonte operacionin.

Gjashtë persona janë përfshirë në këtë rast. Drejtori i Byrosë për Siguri Publike, Aleksandar Janev, bëri të ditur se katër personave u është caktuar masa e paraburgimit, njërit arrest shtëpiak, ndërsa personi i gjashtë ende nuk është në dispozicion të organeve të ndjekjes dhe po kërkohet.

I pyetur nëse ekziston rrezik për sulme terroriste në Maqedoninë e Veriut, Hristovski tha se institucionet nuk kanë informacione për përgatitjen e ndonjë sulmi në territorin e vendit apo për persona nga Maqedonia që mund të jenë objektiv i këtyre aktiviteteve.

ANB-ja njoftoi se, në bashkëpunim me institucionet vendore dhe shërbimet partnere ndërkombëtare, do të vazhdojë aktivitetet për zbulimin dhe parandalimin e kërcënimeve të mundshme terroriste.

Burimi: lajmpress.org

VERO

EVN MACEDONIA

MATINA DENTAL CLINIC

AUTO SHKOLLA BEKO

moti ne britani ne fuqi alarmi i verdhe per bore ne disa pjese te vendit 6afc447bdb4cd
Lajmi i mëparshëm

Moti në Britani: Në fuqi alarmi i verdhë për borë në disa pjesë të vendit

udhetoi mijera kilometra per spektaklin por aj odudu nuk arriti as ta shihte hamakun e saj 6afc44d4e2d79
Lajmi i radhës

Udhëtoi mijëra kilometra për spektaklin, por AJ Odudu nuk arriti as ta shihte hamakun e saj

Të fundit nga

ShkoLartë