Kur Milan dhe Bari zbresin në fushë të dielën, trajneri i Milan, Massimiliano Allegri, nuk do të jetë në stol për shkak të një pezullimi të mbetur nga finalja e Coppa Italia, të cilën e kishte fituar në krye të Juventusit sezonin e kaluar.
Megjithatë, teksa ka folur në prag të sfidës së parë zyrtare të sezonit, që ekipi kuqezi do ta zhvillojë nesër mbrëma në “San Siro” në kuadër të Coppa Italia, ai ka dhënë një mesazh të qartë për futbollistët.
“Për ne, Coppa Italia është një nga tre objektivat tona. Nesër është një ndeshje e rëndësishme, duhet të fitojmë në fushë: të gjithë e dimë këtë. Sezoni po fillon dhe duhet të jemi gati. Duhet të kemi respekt të madh për Barin dhe një ndjenjë të madhe përgjegjësie,” ka thënë Allegri.
Allegri e ka vlerësuar merkaton e klubit.
“Mendoj se klubi dhe Tare kanë punuar shumë mirë me lojtarët që kanë ardhur dhe që janë larguar. Gjëja e rëndësishme është që të ketë entuziazëm dhe dëshirë për të pasur sukses, si dhe besim në aftësitë e ekipit. Lojtarët e rinj janë integruar mirë dhe ka një frymë të mirë,” është shprehur ai për Mediaset.
Burimi: botasot.info
