Një alarm për bombë sot në shkollën “Daut Bogujevci” në Bresje të Fushë-Kosovë ka dalë të jetë hiq më shumë se i rremë.
Zëdhënësja e policisë rajonale për Prishtinë Flora Ahmeti, ka thënë për KosovaPress, se gjatë kontrollit të vendin e dyshuar për mjet shpërthyes policia nuk ka gjetur asgjë.
“Pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, nuk është gjetur asgjë e dyshimtë”, ka thënë Ahmeti.
Ajo ka shtuar se policia është vënë në koordinim me prokurorinë për veprimet e mëtejme.
Ahmeti ka thënë se policia ka pranuar informatën rreth orës 14:30 dhe menjëherë pas konfirmimit, policia ka dalë në vendin e ngjarjes.
Burimi: botasot.info
