Aktivisti Lika: Policia ka arrestuar më shumë se 30 djem që sot protestonin paqësisht!

Aktivisti Edison Lika ka folur mbrëmjen e sotme nga protesta e 110-të kundër qeverisë dhe kryeministrit Edi Rama, duke bërë thirrje për pjesëmarrje më të madhe të qytetarëve dhe vijimin e rezistencës.

Lika tha se protesta nuk ka nevojë për “heronj” apo “dëshmorë”, por për qytetarë që t’i kushtojnë një pjesë të kohës së tyre protestës.  Ai u shpreh se gjatë protestës së sotme para Parlamentit, policia ka arrestuar më shumë se 30 persona, të cilët po protestonin paqësisht.

“Ditën e sotme, policia e shtetit ka arrestuar më shumë se 30 djem që kanë qenë duke protestuar paqësisht. Ata kanë shkuar te Parlamenti pikërisht për t’u thënë atyre se ky Parlament nuk na përfaqëson. E përballë këtij regjimi, ne duhet të qëndrojmë bashkë dhe duhet të kemi rezistencë“, tha ai.

Në fund, aktivisti tha se protestuesit nuk do të largohen nga sheshi pa u larguar kryeministri Edi Rama.

Aktivisti Edison Lika: Kjo protestë nuk ka nevojë për heronjë dhe për dëshmorë, kjo protestë ka nevojë për qytetarë që kursejnë çdo ditë nga gjysmë ore nga jeta e tyre për të dalë përballë këtij regjimi.

Kjo protestë, prej ditës së parë, ka qenë paqësore dhe dhuna është ushtruar vetëm nga policia e shtetit, njëlloj siç u ushtrua edhe sot. Ditën e sotme, policia e shtetit ka arrestuar më shumë se 30 djem që kanë qenë duke protestuar paqësisht.

Ata kanë shkuar te Parlamenti pikërisht për t’u thënë atyre se ky Parlament nuk na përfaqëson. E përballë këtij regjimi, ne duhet të qëndrojmë bashkë dhe duhet të kemi rezistencë.

Ne nuk largohemi nga ky shesh pa u larguar kryeministri. Për këtë arsye, sot do të flitet më pak dhe do të veprohet më shumë, se ndërkohë që ne flasim, djemtë mbahen padrejtësisht në Komisariatin Nr. 1.