Një aksident i trefishtë është regjistruar mëngjesin e sotëm në autostradën Lezhë–Laç, pranë kryqëzimit të Markatomajt.
Gazetarja Brixhilda Deda raporton se në ngjarje janë përfshirë dy automjete dhe një motor.
Drejtuesi i motorit mbeti i plagosur rëndë dhe ndërroi jetë në spital.
Dy drejtuesit e makinave nuk kanë pësuar lëndime.
“Në aksin rrugor “Milot–Lezhë”, automjeti me drejtuese shtetasen Xh. N. është përplasur me motomjetin me drejtues shtetasin V. K. dhe me një automjet të ndaluar jashtë rruge.
Si pasojë e aksidentit është dëmtuar drejtuesi i motomjetit, shtetasi V. K., 75 vjeç, i cili ka humbur jetën në spital.
Shtetasja Xh. N. u shoqërua në Komisariat, për kryerjen e veprimeve procedurale.
Grupi hetimor po punon për zbardhjen e plotë të rrethanave të aksidentit“-njofton policia.
Top Channel
Burimi: top-channel.tv
