Agim Ibrahimi pritet të marrë postin e drejtorit sportiv te KF Partizani nga Tirana, një lëvizje që pritet të zyrtarizohet në ditët në vijim. Klubi i kuq synon të forcojë strukturat drejtuese, ndërsa zgjedhja e Ibrahimit vjen si pjesë e këtij projekti.
Ish-futbollisti i njohur ka dhënë një kontribut të rëndësishëm në futbollin shqiptar gjatë karrierës së tij aktive.
Ai ka veshur fanellat e Kukësit dhe Dinamos, duke u shquar për përvojën dhe profesionalizmin në fushë.
Pas mbylljes së karrierës si futbollist, Ibrahimi ka vijuar të jetë i angazhuar në futboll edhe në role drejtuese.
Më herët, ai ka ushtruar detyrën e drejtorit sportiv te KF Tirana, ku ka fituar eksperiencë të vlefshme në menaxhimin sportiv dhe ndërtimin e skuadrës.
Burimi: botasot.info
