Autoritetet indoneziane kanë nisur kërkimet për një aeroplan të vogël që transportonte 11 persona, i cili u zhduk nga radarët teksa fluturonte mbi Indonezinë lindore.
Aeroplani, në pronësi të Transportit Ajror të Indonezisë, po shkonte drejt Makassar, Sulawesi Jugor, pasi u ngrit nga Yogyakarta në ishullin Java, me tre pasagjerë dhe tetë anëtarë të ekuipazhit në bord. Kontakti u humb pak pas orës 13:00 sipas orës lokale.
Kreu i shërbimit lokal të kërkim-shpëtimit, Muhammad Arif Anwar, tha se ekipet janë vendosur në një zonë malore në rajonin Maros, rreth 42 km nga kryeqyteti provincial Makassar, ku avioni është parë për herë të fundit. Forcat ajrore, policia dhe vullnetarët janë përfshirë në kërkimet tokësore dhe ajrore.
Andy Sultan, drejtori i operacioneve të shërbimit të kërkim-shpëtimit në Makassar, sqaroi nga ana e tij se një helikopter dhe një dron janë dërguar në zonë për të gjetur avionin.
Burimi: botasot.info
