Një 39-vjeçar me inicialet D.D. është gjetur sot pa shenja jete brenda një automjeti në Tiranë.
Sipas policisë, personi i gjetur pa shenja jete në rrugën “Ali Bakiu” është nga Paskuqani, ndërsa automjeti është në pronësi të vëllait të tij – shtetasit P. D.
Në trupin e viktimës gjatë këqyrjes paraprake, “nuk janë konstatuar shenja dhune”, ndërsa pista kryesore mbi të cilën po punohet është se “humbja e jetës ka ardhur për shkaqe natyrale”.
Grupi hetimor po vijon me intensitet veprimet e nevojshme proceduriale për sqarimin e plotë të rrethanave të ngjarjes.
Burimi: botasot.info
