Plot 12 ekipe kombëtare do të paraqiten në Kampionatin Mesdhetar për hendbollistet deri në 16 vjet që muajin e ardhshëm do të mbahet në Prishtinë.
Kështu Kosova edhe një herë do të jetë qendër e rëndësishme e hendbollit ndërkombëtar.
Kampionatin Mesdhetar e organizon Konfederata Mesdhetare e Hendbollit në bashkëpunim me Federatën e Hendbollit të Kosovës.
Pritet garë shumë e fortë dhe shumë interesante. Do të marrin pjesë edhe Kombëtare të shteteve me hendboll shumë të zhvilluar. Për Kombëtaren tonë do të jetë një përvojë shumë e çmuar që do të shërbejë shumë për të ardhmen.
Kosova, Kroacia, Sllovakia, Italia, Mali i Zi, Rumania, Tunizia, Turqia, Bullgaria, Greqia, Maqedonia e Veriut dhe Sllovenia janë vendet pjesëmarrëse.
Është ky Kampionati i 19-të Mesdhetar.
Të drejtë loje kanë lojtaret e lindura në vitin 2010 dhe më të reja.
Më 9 shkurt janë ndeshjet e para, ndërsa më 14 shkurt përfundon ky kampionat.
Burimi: botasot.info
