Gjykatësi i procedurës paraprake pranë Gjykatës Penale në Shkup ua zgjati paraburgimin për 48 orë të reja katër të dyshuarve për zjarrin në Trubarevë. Sipas Prokurorisë, bëhet fjalë për një menaxher 56-vjeçar dhe pronar i dy personave juridikë, një menaxhere 22-vjeçare, një udhëheqës filiali 42-vjeçar dhe një i punësuar 59-vjeçar, përcjell TV21. Ata ngarkohen për veprën penale “Rrezikim i mjedisit jetësor dhe natyrës me mbeturina”. Në vijim është inspektimi në vendngjarje dhe mbledhja e provave për shkaqet e zjarrit, i cili shpërtheu të shtunën në depon me mbeturina nga pajisjet elektronike. Drejtoria për Mbrojtje dhe Shpëtim njoftoi se zjarri është shuar tërësisht dhe sipërfaqja është mbuluar me rërë dhe dhe.