Pasditen e së mërkurës, një zjarr ka përfshirë një zonë pranë banesave dhe hoteleve në Ksamil, duke shkaktuar alarm te banorët dhe pushuesit.
Sipas informacioneve të siguruara nga A2 CNN, flakët janë shumë afër ndërtesave dhe forcat zjarrfikëse ndodhen në terren, duke punuar për vënien nën kontroll të zjarrit.
Ndërkohë, një tjetër vatër zjarri është aktivizuar në fshatin Çukë, me përhapje të shpejtë drejt zonës malore të Metoqit. Era e fortë dhe terreni i thyer po e vështirësojnë ndërhyrjen, ndërsa flakët kanë nisur të rrezikojnë zonat përreth.
Autoritetet lokale janë angazhuar për të shmangur përshkallëzimin e situatës, ndërsa mbeten në gatishmëri për çdo evakuim të mundshëm.
Burimi: botasot.info
