Zëvendëskryeministri i parë, Bekim Sali, ka uruar qytetarët e besimit ortodoks me rastin e festës së Krishtlindjeve, duke përcjellë mesazhe për paqe, shëndet dhe mirëqenie, si dhe duke theksuar rëndësinë e harmonisë shoqërore dhe bashkëjetesës ndërmjet qytetarëve.
Në urimin e tij, Sali vlerëson Krishtlindjet si një moment reflektimi dhe frymëzimi që forcon respektin e ndërsjellë dhe solidaritetin shoqëror, duke nënvizuar se këto vlera janë thelbësore për stabilitetin dhe përparimin e shoqërisë dhe institucioneve.
Ai shprehu bindjen se kjo festë e shenjtë do të sjellë shpresë dhe begati në familjet e qytetarëve, duke kontribuar njëkohësisht në ndërtimin e një shoqërie më të drejtë, më të bashkuar dhe më të qëndrueshme për të gjithë.
Urimi i plotë i zëvendëskryeministrit të parë, Bekim Sali:
Me rastin e festës së Krishtlindjeve të besimit ortodoks, ju përcjell urimet më të sinqerta për paqe, shëndet dhe mirëqenie.
Qoftë kjo festë e shenjtë një moment reflektimi dhe frymëzimi, që forcon harmoninë shoqërore, bashkëjetesën dhe respektin e ndërsjellë ndërmjet qytetarëve.
Le të sjellë kjo festë shpresë, solidaritet dhe begati në familjet tuaja, si dhe stabilitet e përparim në jetën institucionale e shoqërore, duke kontribuar në ndërtimin e një shoqërie më të drejtë, më të bashkuar dhe më të qëndrueshme për të gjithë.
