Presidenti i Ukrainës, Volodymyr Zelensky, në prag të një takimi vendimtar me homologun amerikan, Donald Trump për të diskutuar blerjen e raketave amerikane më të fuqishme, shprehet se furnizimi i sistemeve të mbrojtjes ajrore për Ukrainën do të ndihmojë në shpëtimin e jetëve.
Zelensky tha dje se çdo vendim që mund të forcojë Ukrainën “e afron fundin e luftës”, duke shtuar se siguria e Ukrainës mund të “garantohet nëse zbatohet gjithçka për të cilën kemi rënë dakord, përfshirë këtu në Uashington”.
Po ashtu ai tha se po takohej me përfaqësues të kompanive amerikane të mbrojtjes për të diskutuar “furnizime shtesë të sistemeve të mbrojtjes ajrore” për Ukrainën.
Gjithashtu Zelensky tha se Rusia nisi një “turmë dronësh” në qytetin e tij të lindjes, Kryvyi Rih, gjatë natës deri në mëngjesin e sotëm sipas kohës lokale, duke goditur infrastrukturën civile.
Burimi: botasot.info
