Kryebashkiaku i Tiranës, Erion Veliaj, ka reaguar përmes një mesazhi nga burgu, me rastin e ditëlindjes së tij, duke falënderuar miqtë dhe mbështetësit për urimet dhe kujdesin ndaj familjes së tij gjatë kësaj periudhe.
“Më gëzuan pa masë letrat dhe urimet tuaja këtu në Durrës, në këtë ditëlindje të pazakontë,” shprehet Veliaj në mesazhin e tij.
Ai falënderon veçanërisht ata që, sipas tij, janë kujdesur për nënën, bashkëshorten dhe djalin e tij të vogël gjatë 10 muajve të fundit.
“Ju falënderoj nga zemra që jeni kujdesur për nënën, bashkëshorten dhe djalin tim të vogël përgjatë këtyre 10 muajve. Vit absurd ky, por zbulova miqtë e ditëve të vështira e që nuk do i harroj kurrë!” thekson Veliaj.
Mesazhin e tij e mbyll me falënderime dhe përqafime për të gjithë ata që e kanë mbështetur gjatë kësaj kohe.
Kujtojmë që prej shkurtit të këtij viti kryebashkiaku Erjon Veliaj ndodhet në qeli me akuza për shpërdorim detyre dhe korrupsion.
Burimi: opinion.al
