Kendall Jenner thuhet se është krenare për motrën e saj më të vogël, Kylie Jenner, e cila bëri debutimin në sfilatën e Victoria’s Secret Fashion Show 2026, duke u shfaqur me sytjenat ikonike “Fantasy Bra”, me vlerë prej 50 milionë dollarësh.
Sipas raportimeve të Page Six, një burim pranë modeles ka bërë të ditur se Kendall e ka vlerësuar lart paraqitjen e motrës së saj, duke besuar se ajo shkëlqeu në pasarelë. Madje, para sfilatës, Kylie thuhet se kishte kërkuar këshilla nga Kendall, e cila ka marrë pjesë në tri edicione të mëparshme të këtij spektakli.
Pavarësisht mungesës së Kendall në ngjarjen e këtij viti, burimet thonë se ajo e ka mbështetur plotësisht vendimin e motrës për t’u bërë pjesë e sfilatës.
Ndërkohë, Kylie tërhoqi vëmendjen me sytjenat luksoze, të krijuara nga Jacob & Co., të cilat përmbajnë 4,410 diamante natyrale, përfshirë një diamant të verdhë prej 75.54 karatësh.
Kjo ishte hera e parë që nga viti 2018 që “Fantasy Bra” u rikthye në pasarelën e Victoria’s Secret, duke e bërë paraqitjen e Kylie-t një nga momentet më të komentuara të spektaklit.
Burimi: botasot.info
