Zbardhen brenda 24 orëve autorësia dhe rrethanat e plagosjes së dyfishtë me armë zjarri, të ndodhur mbrëmjen e 8 shtatorit në zonën e Laprakës. Policia ka identifikuar autorin e dyshuar të ngjarjes, 36-vjeçarin A. K., banues në Tiranë, dhe po punon për lokalizimin dhe kapjen e tij.
Sipas hetimeve, rreth orës 21:20, 36-vjeçari dyshohet se ka qëlluar me armë zjarri në drejtim të dy personave, D. T. dhe B. D., të cilët janë miq me njëri-tjetrin. Ngjarja dyshohet se ka ndodhur për motive të dobëta, ndërsa autori i dyshuar është larguar më pas me automjet.
Dy të plagosurit ndodhen jashtë rrezikut për jetën.
Identifikimi i autorit u bë pas veprimeve të shpejta hetimore nga specialistët e Sektorit për Hetimin e Krimeve të Rënda, në bashkëpunim me shërbimet e Komisariatit të Policisë Nr. 3.
Policia vijon punën për lokalizimin dhe arrestimin e 36-vjeçarit.
Materialet procedurale i janë referuar Prokurorisë për veprime të mëtejshme.
Burimi: botasot.info
