3
Shkup, 20 nëntor – Kryetari i Komisionit parlamentar për Politikë dhe Tregti të Jashtme, Musa Xhaferi, ka realizuar sot një takim me ambasadorin e Kazakistanit, Satibaldi Burshakov, ndërsa shprehën kënaqësinë për takimin e tyre të parë në vitin kur shënohen 30 vjet nga vendosja e marrëdhënieve diplomatike me Kazakistanin dhe hapja e Ambasadës së Republikës së Kazakistanit në Shkup gjatë këtij viti.
Në këtë takin, ambasadori Burshakov informoi për jetën politike dhe shoqërore në Kazakistan, për burimet e mëdha që posedon vendi, si dhe për shkëmbimin tregtar me vendet fqinje dhe ato të tjera, përfshirë edhe Bashkimin Evropian. Në këtë kontekst u diskutua për ide dhe iniciativa konkrete me qëllim rritjen e bashkëpunimit ekonomik me vendin tonë në fusha me interes të ndërsjellë.
Si fokus i rëndësishëm për të ardhmen u theksua vendosja sa më e shpejtë e regjimit pa viza, me qëllim lehtësimin e udhëtimeve të qytetarëve, zhvillimin e turizmit dhe afrimin e popujve. Po ashtu, u propozua forcimi i marrëdhënieve parlamentare përmes vizitave dypalëshe të Komisioneve për Punë të Jashtme dhe Tregti, si dhe të Grupeve Parlamentare për bashkëpunim, propozim i cili u pranua njëzëri nga të dyja palët.
Burimi: zhurnal.mk
