Në Ohër është raportuar një rast vrasjeje, ku një person 76-vjeçar është gjetur pa shenja jete në shtëpinë e tij në rrugën “Nada Fileva”. Pas hetimeve fillestare, policia ka arrestuar një 53-vjeçar nga fshati Brvenicë e Tetovës, i dyshuar për kryerjen e krimit.
Arrestimi është bërë pas një fletarresti qendror të lëshuar nga SPB Ohër. Trupi i viktimës është dërguar për obduksion, ndërsa ndaj të dyshuarit pritet të ngrihet kallëzim penal.
“Sot (27.03.2026) në orën 17:20, në fshatin Bërvenicë të Tetovës, nëpunës policorë nga SPB Tetovë, pas urdhërarrestit qendror të shpallur më parë nga SPB Ohër, e kanë privuar nga liria Zh.G. (53) nga fshati i njëjtë, i cili dyshohet për kryerjen e veprës penale “vrasje” sipas nenit 123 të Kodit Penal.
Me fjalë të tjera, sot në orën 08:24 në SPB Ohër është raportuar se në shtëpinë e tij në rrugën “Nada Fileva” në Ohër, pa shenja jete është gjetur K.M. (76) nga Ohri. Në vendin e ngjarjes është kryer hetim nga prokurori publik kompetent dhe ekipet policore, ndërsa mjeku i Ndihmës së Shpejtë ka konstatuar vdekjen, pas çka, me urdhër të prokurorit publik, trupi është dorëzuar për obduksion. Pas zbardhjes së plotë të rastit, ndaj Zh.G. do të ngrihet kallëzim penal përkatës.”, njoftojnë nga Ministria e Punëve të Brendshme.
Burimi: alfax.mk
