Detaje të reja kanë dalë në dritë nga vrasja me thikë e 51-vjeçarit Valbon Beqiraj, i cili u gjet i pajetë me plagë thike në trup nga nipi i tij në banesë, në lagjen Nr.12 të Durrësit.
Burime për mediat kanë bërë me dije se në komisariat për tu marrë në pyetje janë shoqëruar disa banorë të pallatit ku ka ndodhur ngjarja.
Bëhet me dije se nga kamerat e sigurisë është zbuluar edhe identiteti i autorit të dyshuar dhe po punohet për kapjen e tij.
Ndërkohë po kryhet ekspertiza mjeko-ligjore e kufomës si dhe po verifikohen gjurmë ADN-je si dhe gjurmë gjaku në vendngjarje.
Rrethanat e ngjarjes vijojnë të mbeten të paqarta ashtu si dhe dinamika, ndërsa po punohet për zbardhjen e plotë të krimit.
Burimi: botasot.info
