Kryetari i bashkisë së Maliqit, Gëzim Topçiu ka reaguar një ditë pas ngjarjes së rëndë ku një 14-vjeçar u vra me thikë nga një bashkëmoshatar i tij.
Përmes një postimi në rrjete sociale, Topçiu ka shprehur ngushëllimet e tij për familjarët e të ndjerit dhe ka përcjellë një mesazh kundër dhunës.
“E rëndë për të gjithë ne ngjarja tragjike në Pirg ku i riu 14-vjeçar nga Zvirina ka humbur jetën nga dhuna mes bashkëmoshatarëve.
Ngushëllime të sinqerta familjes për këtë humbje të pazëvendësueshme. U prehtë në paqe!
Apeli shkon për të gjithë në këtë ditë të vështirë: Stop dhunës, bashkëjetesa duhet të jetë bazë e themelit të familjes dhe shoqërisë sonë!”,shkruan kryebashkiaku Topçiu, i cili gjithashtu u ka shkuar për vizitë familjes së viktimës.
Burimi: opinion.al
