“Ne e kemi ndjekur me kujdes dorëheqjen e Lence Ristoskës, e cila deri vetëm një muaj më parë pohonte me bindje se kishte ardhur koha që ajo të drejtonte prokurorinë dhe të sillte drejtësinë e shumëdëshiruar. Natyrisht, koha për të cilën ajo foli ishte e vlefshme vetëm nëse rezultati i zgjedhjeve ishte sipas dëshirës së saj. Në momentin që institucionet vepruan në përputhje me ligjin dhe nuk e konfirmuan kandidaturën e saj, i njëjti vizion i një prokurorie të fortë dhe të pavarur u zhduk papritur dhe u zëvendësua nga një narrativë e presioneve të dyshuara dhe integritetit të kompromentuar”, tha VMRO-DPMNE për dorëheqjen e prokurores.
VMRO-DPMNE ka reaguar lidhur dorëheqjen Lençe Ristoskas nga pozita e prokurores. Nga atje thonë se Ristoska ishte pjesë e PSP-së në të cilën zgjidheshin raste për persekutime politike.
Nga VMRO-DPMNE pyesin nëse parimet janë të vlefshme vetëm “kur ato sjellin përparim personal dhe nëse lufta kundër krimit dhe korrupsionit është e besueshme nëse përfundon aty ku fillon zhgënjimi i saj personal”.
Sipas VMRO-DPMNE, Ristoska flet për dobësimin e institucioneve, por ajo, siç thonë ata, ishte pjesë e kësaj, dhe kjo sjellje, duke kushtëzuar angazhimin e saj me një pozicion, është problemi thelbësor, i cili ka shkatërruar besimin në sistemin gjyqësor për vite me radhë.
“Ristoska ishte pjesë e të njëjtit PSP që drejtohej nga grupi i reketimit të Katica Janevës, e cila përvetësonte para publike në emër të honorareve nga PSP-ja dhe e cila u shndërrua në një makinë për persekutim politik. Mjafton të ndiqet deklarata e prokurores Lejla Kadriu, e cila dëshmon se Zaev dhe Shekerinska shkonin personalisht në PSP-në e Katicës, Lençes dhe Lile Stefanovas natën dhe zgjidhnin raste për persekutim politik”, thonë nga VMRO-DPMNE.
Burimi: alfax.mk
