Sot, liderët e koalicionit VLEN, Izet Mexhiti, Arben Fetai, Bilall Kasami dhe Zeqirija Ibrahimi qëndruan në Studeniçan, ku me krenari dhe vendosmëri promovuan kandidatin për kryetar të komunës, Sedat Bislimi.
Atmosfera në Studeniçan dëshmoi qartë se ndryshimi është i pashmangshëm dhe se qytetarët tashmë kanë zgjedhur rrugën e së ardhmes.
“Ne kemi ardhur këtu për të dhënë përkrahjen tonë të fuqishme për një kandidaturë të denjë dhe vizionare. Sedat Bislimi është garancia që Studeniçani do të ketë një menaxhim efikas, të drejtë dhe në shërbim të qytetarëve. Ai është njeriu i duhur për të shndërruar potencialin e kësaj komune në zhvillim real dhe të prekshëm”, deklaruan liderët e VLEN.
Nga ana e tij, kandidati për kryetar të Komunës së Studeniçanit, Sedat Bislimi, theksoi se është i gatshëm të marrë përgjegjësinë e madhe që qytetarët ia besojnë. “Studeniçani meriton më shumë! Bashkë me VLEN, ne do të sjellim projekte konkrete, investime të domosdoshme dhe shërbime cilësore për çdo lagje dhe çdo familje. Kjo nuk është vetëm një garë politike, kjo është një betejë për dinjitetin dhe zhvillimin e Studeniçanit”, tha ai.
VLEN, me unitet dhe vendosmëri, po e shtrin vizionin e ndryshimit në çdo cep të vendit, duke dëshmuar se forca e bashkimit dhe menaxhimit të drejtë është garancia më e madhe për një të ardhme të ndritur. Studeniçani ka folur, koha e vjetër ka mbaruar, koha e VLEN dhe Sedat Bislimit ka filluar!
Burimi: lajme24.mk
