Banorët e fshatrave Leshkë dhe Neproshten në Komunën e Tearcës tashmë do të kenë qasje më të lehtë dhe lëvizje më të sigurt, falë rindërtimit të rrugëve lokale në këto vendbanime. Projekti, i mundësuar nga Qeveria, ka një vlerë prej 7 milionë denarësh dhe paraqet një investim të rëndësishëm në përmirësimin e infrastrukturës rurale.
Ky investim siguron infrastrukturë moderne, lehtëson ndërlidhjen mes fshatrave dhe kontribuon drejtpërdrejt në përmirësimin e jetës së përditshme të qytetarëve.
“VLEN nuk premton, por vepron – me punë konkrete në çdo cep të vendit”, theksohet në njoftim, duke nënvizuar angazhimin e vazhdueshëm për zhvillim të barabartë dhe investime të prekshme për komunitetet lokale.
Burimi: alfax.mk
