Gostivar, 27 dhjetor – Sonte Gostivari foli me sallën plot. Në një atmosferë të jashtëzakonshme u mbajt konventa promovuese e VLEN-it, ku bashkë me qytetarët dhe strukturat e koalicionit, morën pjesë edhe krerët e VLEN-it.
Me afrimin e 11 janarit, gjithnjë e më e qartë po bëhet se VLEN është në ngritje, ndërsa AKI në rënie. VLEN dita ditës po shtohet, ndërsa AKI po pakësohet, sepse qytetarët kanë vendosur të ndalin keqmenaxhimin në Komunën e Gostivarit.

Gostivari, pas tetë viteve keqmenaxhim, pa ide dhe me një borxh prej mbi 30 milionë euro, meriton të qeveriset nga një njeri që e njeh qytetin, i njeh gostivarasit dhe mbi të gjitha ka vizion për zhvillim. Ky njeri është Nevzat Bejta.

Në Gostivar, qytetarët e dinë mirë se hera e fundit kur është punuar seriozisht ka qenë gjatë udhëheqjes së Nevzat Bejtës.

Konventa në Gostivar ishte një shuplakë për politikën e mashtrimit. Qytetarët kërkojnë ndryshim të vërtetë, sepse Gostivari nuk guxon të përdoret më si gomë shpëtimi për karriera politike, por si qytet që meriton punë, zhvillim dhe përgjegjësi.

Një zë për Gostivarin e Nevzat Bejtës.