Nga Likova në Studeniçan, zëvendëskryeministri i parë dhe ministër i Ambientit Jetësor dhe Planifikimit Hapësinor, Izet Mexhiti, ka sjellë një mesazh të fuqishëm shprese dhe vendosmërie. Në një atmosferë të jashtëzakonshme entuziazmi, ai u prit ngrohtësisht nga banorët e komunës së Studeniçanit, ku prezantoi kandidatin për kryetar komune, Sedat Bislimin.
“Banorët e Studeniçanit e kanë marrë vendimin e madh. Ata kanë zgjedhur rrugën e shpresës dhe zhvillimit, rrugën që ka vetëm një emër: VLEN,” u shpreh Mexhiti, duke nënvizuar se koha për ndryshim tashmë ka ardhur.
Sedat Bislimi, i cilësuar si njeri me vizion, energji dhe vullnet për ta çuar përpara Studeniçanin, gëzon mbështetje të fuqishme dhe të padiskutueshme nga banorët e Karshiakës.
Sipas Mexhitit, mesazhi është i qartë, ndryshimi fillon tani dhe Studeniçani do të udhëhiqet nga forca e shpresës, nga VLEN!
