Koalicioni VLEN ka reaguar me keqardhje dhe shqetësim të thellë pas ngjarjes së rëndë që ka ndodhur sot në Kumanovë, ku është plagosur bartësi i listës nga radhët e AKI-së për këshillin e komunës së Likovës.

Në reagimin me shkrim, VLEN thekson se dënon çdo formë të dhunës, duke apeluar për qetësi, maturi dhe respektim të institucioneve kompetente që po hetojnë rastin.

“Dhuna nuk ka vend në shoqërinë tonë dhe asnjë rrethanë nuk mund të justifikojë aktet që rrezikojnë jetën dhe sigurinë e qytetarëve”, thuhet në reagim.

VLEN i bën thirrje organeve të rendit që të zbardhin sa më shpejt motivet dhe autorët e këtij akti të rëndë.