Tashmë gjithçka është në shesh. BDI çfarëdo që ka prekur, e ka lënë përgjysmë, shkel e shko. Ashtu e la edhe përfaqësimin e drejtë dhe adekuat. E patën 25 vjet në dorë dhe kurrë nuk e bënë ligj. Jo pse nuk mundën, por pse nuk u konvenonte. Sepse për ta kjo nuk ka qenë e drejtë e shqiptarëve, por biznes politik, mjet për punësime partiake, pazare dhe mbijetesë.
Kjo është e vërteta e tyre. Prandaj nuk bënë ligj. Sepse pa ligj, e kishin më lehtë të luanin me fatin e shqiptarëve, t’i mbanin njerëzit varur dhe të shiteshin si shpëtimtarë, ndërsa në prapavijë bënin hesapet për vete. E mbajtën këtë temë gjallë jo për ta zgjidhur, por për ta shtrydhur deri në fund.
Por ajo kohë ka marrë fund. Sot, pas 25 vitesh, përfaqësimi i drejtë dhe adekuat bëhet LIGJ. Prandaj BDI bërtet. Jo se u dhimbsen shqiptarët, por sepse u ka ikur nga dora një mashtrim me të cilin kanë jetuar me dekada. Ata e mbajtën shqiptarin me rrena. Ata bënë vegël. Ne bëjmë LIGJ. Sepse shqiptarët nuk janë vegël. Shqiptarët janë LIGJ.
Burimi: alfax.mk
