Siçilia, Sardenja dhe Kalabria u vunë në alarm të kuq pasi stuhia e fuqishme “Hari” goditi Italinë jugore dhe Mesdheun qendror, duke shkaktuar mot ekstrem, përmbytje të përhapura dhe dëme të mëdha materiale.
Autoritetet evakuuan zonat bregdetare, mbyllën shkollat dhe ndaluan hyrjen në plazhe, ndërsa qindra operacione shpëtimi u kryen në pak orë.
Në Siçili, reshjet e rrëmbyeshme përmbytën rrugë dhe sheshe, ndërsa erërat e forta dhe dallgët krijuan efekte të ngjashme me “cunami”. Rreth 190 persona u evakuuan si masë paraprake. Pamje dramatike u regjistruan në Mazara del Vallo, ku dallgët kaluan 8 metra, dhe në Catania, ku arritën 5 metra. Në zonën e Mesinës u shemb një pjesë e rrugës bregdetare në Santa Teresa di Riva, duke rritur rrezikun e rrëshqitjeve të dheut.
Situatë e rëndë u shënua edhe në Kalabri. Në Crotone, dy lagje u urdhëruan të evakuoheshin, ndërsa një pjesë e varrezave të vjetra u shemb, duke tërhequr rreth 20 arkivole në një përrua. Në Sardenjë, deti hyri në vendbanimet bregdetare pranë Kaljarit, me rrugë të mbyllura për shkak të përmbytjeve. Departamenti i Zjarrfikësve raportoi 65 ndërhyrje shpëtimi vetëm në 12 orët e fundit.
A powerful storm surge flooded streets and pushed debris inland last night in Letojanni, Sicily, Italy. pic.twitter.com/SJb1JJZ47d
— Weather Monitor (@WeatherMonitors) January 21, 2026
Autoritetet theksuan se intensiteti i “Harit” ishte veçanërisht i lartë, me erëra deri në 130 km/orë në disa zona. Megjithëse kushtet nisën të përmirësohen nga pasditja e së martës, strukturat e emergjencës mbeten në gatishmëri.
Powerful storm surge hits Letojanni, Sicily, Italy 🇮🇹 (20.01.2026)pic.twitter.com/6ZHi3QFWEA
— Disaster News (@Top_Disaster) January 20, 2026
Moti i keq goditi rëndë edhe Maltën, ku zgjati mbi 24 orë. Fluturimet dhe lundrimet u anuluan, dhjetëra pemë u shkulën dhe u raportuan dëme në shtëpi, biznese dhe infrastrukturë. Erërat arritën 104 km/orë në Valeta, ndërsa dallgë të forta goditën zona si Birzebbuga, Marsaskala, Sliema dhe St. Julian’s. Deri në mesditën e së martës, Mbrojtja Civile e Maltës iu përgjigj mbi 180 incidenteve, ndërsa ushtria asistoi anijet në vështirësi.
La mia Sicilia trafitta nell’anima 💔 mai visto niente di simile 😔
Un caro abbraccio a tutte le amiche siciliane 🫂❤️#CicloneHarry#Sicilia pic.twitter.com/Ke1NgMEsMt
— Feli ✨ 💚 #Mertes era 🪸🔥 (@Fe_li__) January 21, 2026
Storm surge flooded the dining room of a seafront restaurant in Catania, Sicily, as Cyclone Harry brought heavy rain, strong winds and coastal flooding to southern Italy. pic.twitter.com/kb9bEnPjV9
— AccuWeather (@accuweather) January 21, 2026
Sipas Mbrojtjes Civile Italiane, dëmet vetëm në Siçili kanë kaluar gjysmën e miliardit euro. Presidenti i rajonit, Renato Schifani, tha se pas përfundimit të fazës së shpëtimit ka nisur regjistrimi i dëmeve, veçanërisht në zonat e goditura nga Deti Jon. Sektori i peshkimit është ndër më të prekurit, me një numër të madh anijesh të shkatërruara. Cikloni “Hari” shkaktoi probleme serioze edhe në Kalabri, veçanërisht në Catanzaro, ku zjarrfikësit shpëtuan një punonjës të energjisë elektrike nga rreziku i mbytjes.
Autoritetet u bëjnë thirrje qytetarëve të kufizojnë lëvizjet dhe të ndjekin udhëzimet e sigurisë, ndërsa paralajmërimet mbeten në fuqi.
Top Channel
Burimi: top channel
