Para dy ditësh, pas kërkimeve intensive, Forca e Sigurisë së Kosovës arritën ta gjenin trupin e pajetë të 35-vjeçarit Rrahim Latifit në Liqenin e Ujmanit.
Për këtë çështje, i ftuar në Kosova Live ka qenë njëri nga zhytësit.
Ai tha se familjarët e Latifiti ishin të mirëkuptueshëm dhe se të njëjtit i kanë kërkuar zhytësit që të mos rrezikonte jetën.
Ai tregoi edhe se si u ndjen familjarët e të ndjerit kur FSK kishte shkuar në vendngjarje.
‘‘Familjarët kanë qenë shumë të mirëkuptueshëm, edhe i falënderoj shumë ku gjithmonë, gjithë ma kanë bo ‘’mos rreziko më’’. Se brenda ditës me u fut tri herë është jashtë normës së zhytjes. Kur morën vesh që po vijnë edhe FSK ata njëfarë forme u gëzun sepse e dinin që po bëhet një punë edhe më e madhe’’, ka thënë ai mes tjerash.
Burimi: botasot.info
