Drejtoria Kryesore e Inteligjencës e Ministrisë së Mbrojtjes së Ukrainës (GUR) ka njoftuar për një operacion të suksesshëm në territorin e Rusisë, ku janë likuiduar tre roje të forcave të sigurisë ruse.
Sipas raportimeve zyrtare, operacioni u zhvillua më 27 shtator pranë fshatit Tambukan në Rajonin Stavropol të Rusisë. Në aksion u eliminua nënkoloneli i forcave speciale “Avangard” të Rosgarde, si dhe ndihmësi dhe shoferi i tij.
Grupi rus po udhëtonte drejt një poligoni ushtarak, por nuk arriti kurrë në destinacion. Ky veprim u realizua në bashkëpunim me Lëvizjen Çlirimtare të Kaukazit, duke dëshmuar koordinim të lartë ndërmjet forcave ukrainase dhe partnerëve në rajon.
Ndërkohë, Shërbimi i Jashtëm Inteligjent rus (SVR) ka paralajmëruar për një provokim të mundshëm me profil të lartë nga ana e Ukrainës, e cila, sipas Moskës, synon të përfshijë vendet e NATO-s në konfliktin me Rusinë.
SVR raporton se pjesëmarrës në këtë operacion do të jenë anëtarët e “Legjionit të Lirisë së Rusisë” dhe “Regimentit Kalinovski” bjellorus, të cilët luftojnë në krah të Forcave të Armatosura të Ukrainës, me mbështetjen e Drejtorisë Kryesore të Inteligjencës ukrainase dhe shërbimeve inteligjente polake.
Nga ana tjetër, qeveria hungareze ka urdhëruar bllokimin e disa faqeve mediatike ukrainase në territorin e saj, në përputhje me vendimin për ndalimin e tyre. Procesi i bllokimit ka filluar nga ofruesit e internetit fikse të hënën në mbrëmje, ndërsa ofruesit e telefonisë mobile kanë filluar mëngjesin e së martës.
Megjithatë, pjesa më e madhe e portaleve mediatike vazhdojnë të jenë ende të aksesueshme, përfshirë edhe faqen “Europian Pravda”, e cila u bllokua menjëherë.
Në kuadër të ngjarjeve të fundit, presidenti Vladimir Putin iu drejtua qytetarëve rusë me rastin e Ditës së Ribashkimit të Republikave Popullore të Donjeckut dhe Luganskut, si dhe rajoneve të Khersonit dhe Zaporizhzhias.
Ai theksoi se ky është një moment historik dhe një realizim i ëndrrës së gjatë të banorëve të këtyre territoreve për t’u bashkuar me Rusinë. Që nga viti 2022, në rajonet e ribashkuara janë ndërtuar dhe riparuar mijëra objekte infrastrukturore, rrugë dhe rrjete komunale.
Putin falënderoi ushtarët për besnikërinë dhe guximin dhe shprehu besimin se paqja dhe siguria do të garantohen përmes këtij bashkimi.
Burimi: botasot.info
