Rajoni rus i Belgorodit po përballet me ndërprerje të energjisë elektrike, sulme të shpeshta ajrore dhe rritje të ndjeshme të dronëve ukrainas, ndërsa Kievi po hakmerret ndaj bombardimeve të përsëritura të qyteteve të tij nga forcat ruse.
Banorët lokalë thonë se sirenat, shpërthimet dhe zhurmat e mbrojtjes ajrore janë bërë pjesë e përditshme e jetës.
“Është kaq e zhurmshme dhe kaq e tmerrshme. Dëgjon sirenën, shikon njoftimet për dronët dhe menjëherë dëgjon të shtëna automatike e shpërthime”, tha Nina, një banore e Belgorodit që foli për BBC-në.
Sipas një analize të BBC News mbi të dhënat zyrtare ruse, numri i sulmeve me dronë ukrainas në Belgorod është rritur katërfish që nga janari 2025.
Vetëm në shtator, autoritetet regjistruan mbi 4,000 dronë që fluturuan mbi rajon, nga rreth 1,100 në fillim të vitit. Në një nga valët më të mëdha të sulmeve muajin e kaluar, më shumë se 260 dronë goditën rajonin në një natë të vetme.
Përveç dronëve, autoritetet raportojnë edhe rritje të sulmeve me raketa që nga vera, duke shkaktuar dëmtime të mëdha në rrjetin elektrik dhe mungesë energjie në disa qytete.
Autoritetet ukrainase e lidhin këtë valë të re sulmesh me dronë me goditjet e fundit të Rusisë ndaj infrastrukturës energjetike të Ukrainës, që kanë lënë miliona banorë pa drita dhe ngrohje.
Top Channel
Burimi: top channel
