Mjegulla e dendur që ka përfshirë lindjen e Ukrainës ka krijuar kushte të favorshme për trupat ruse, të cilat kanë avancuar më thellë në qytetin strategjik të Pokrovskut.

Sipas ushtrisë ukrainase, moti i keq ka ndihmuar Rusinë të intensifikojë sulmet dhe të rrisë praninë e saj në zonë.

Situata në Pokrovsk mbetet e vështirë. Një javë më parë, presidenti ukrainas, Volodymyr Zelensky, tha se aty ndodheshin rreth 300 ushtarë rusë, por burimet ushtarake tani konfirmojnë se numri ka arritur deri në 500.

Gjendja në vijën e frontit është përkeqësuar ndjeshëm edhe në rajonin juglindor të Zaporizhjës.

Analistët theksojnë se rusët po përdorin taktika infiltrimi, duke u përpjekur të depërtojnë në qytet të veshur si civilë apo si ushtarë ukrainas.
Rusia është e vendosur për të arritur qëllimet e saj, pavarësisht paralajmërimeve dhe masave që janë vendosur nga ndërkombëtarët.

Burimi: botasot.info