Dronët ukrainas sulmuan disa objekte ruse të naftës, përfshirë rafinerinë më të madhe të Rosneft në Ryazan dhe një objekt magazinimi nafte në rajonin e Luhanskut.
Lajmi u konfirmua nga Robert “Madyar” Brovdi, komandant i forcave ukrainase të dronëve, shkruan The Kyiv Independent.
“Benzina (në Rusi) po bëhet gjithnjë e më e rrallë, ndërsa gazi dhe nafta po zhduken me shpejtësi”, tha Brovdi.
Banorët e Ryazanit, një qytet i vendosur 180 kilometra në juglindje të Moskës, raportuan për shpërthimet rreth orës 2 të mëngjesit, të ndjekura nga një zjarr i madh që ndriçoi qiellin e natës.
Fotot dhe videot që u përhapën shpejt në internet treguan tym të zi që ngrihej nga rafineria në skajin jugor të qytetit.
💥 Drones hit a refinery in Russia’s Ryazan, setting it ablaze. Ukraine confirms strikes on both the Ryazan refinery & an oil depot in occupied Luhansk. #MakeRussiaPay pic.twitter.com/PaSlQskXGq
— Iuliia Mendel (@IuliiaMendel) September 5, 2025
Ky impiant, me një kapacitet prej 13.8 milion ton në vit, ishte tashmë në shënjestër të dronëve ukrainas më 2 gusht, kur dy nga tre njësitë kryesore u detyruan të pezullonin operacionet.
Në të njëjtën kohë, në rajonin e Luhanskut, banorët vendas vunë re tym të zi në mbrëmje.
Madyar konfirmoi se dronët ukrainas goditën një objekt magazinimi nafte në rajon, megjithëse shkalla e dëmit nuk dihet ende.
Ndryshe, Ukraina ka shtuar sulmet me rreze të gjatë veprimi ndaj objekteve ruse të energjisë në muajt e fundit, duke synuar rafineritë dhe depot.
Vetëm në gusht, u goditën të paktën 12 rafineri, duke rrëzuar më shumë se 17% të kapacitetit total të rafinimit të naftës në Rusi.
Presidenti rus Vladimir Putin pranoi së fundmi se vendi po përballet me mungesë karburanti.
Si zgjidhje, ai propozoi kalimin në rezervat e qymyrit.
Burimi: botasot.info
