Pas pjesëmarrjes së saj në spektaklin “Big Brother Vip Albania”, Kejvina Kthella duket se ka zgjedhur një rrugë ndryshe nga ajo që ndjekin zakonisht personazhet publikë pas daljes nga reality show-t. Ndryshe nga vitet e mëparshme, Kejvina është tërhequr ndjeshëm nga vëmendja mediatike, duke munguar si në evente publike ashtu edhe në postimet e shpeshta që dikur e karakterizonin në rrjetet sociale. Kujtojmë se ajo u përjashtua nga BBVA, për shkak të shpullës që i dha Luizit gjatë Prime-it.
Së fundmi, përmes një reagimi në Instagram, ajo ka ndarë me ndjekësit arsyen pse ka vendosur të mos jetë më aq e pranishme në publik.
“Nuk më tërheq më fare se di pse më pa ardhur ky ndryshim (edhe unë habitem nga vetja pasi më parë e kisha shumë qejf vëmendjen të bëja programe, gjëra të reja, foto bla bla) nuk e di ç’po ndodh.. por unë po zgjohem çdo ditë ndryshe … me dëshira tjera me ëndrra të reja”, ka shkruar ajo në përgjigjen e saj.”
Deklarata e Kejvinës ka ngjallur reagime të shumta nga ndjekësit, të cilët e kanë përgëzuar për ndryshimin dhe maturinë që po reflekton. Disa madje kanë komentuar se kjo periudhë e qetë mund të jetë një fazë e re në jetën e saj personale dhe profesionale.
Burimi: botasot.info
