Elliot Page ka zbuluar për herë të parë publikisht lidhjen e tij të re me aktoren Julia Shiplet përmes një postimi në Instagram. Kjo është hera e parë që ylli i “X-Men” dhe “The Umbrella Academy” prezanton një partnere që nga dalja e tij si burrë transgjinor në vitin 2020.
Në postimin e fundit, Page ndau një selfie ku shfaqet i buzëqeshur pranë Shiplet, e njohur nga seriali “Overcompensating”. Fotoja ishte shoqëruar me një emoji ylberi dhe dy zemra, por pa dhënë detaje të mëtejshme për marrëdhënien e tyre.
Julia Shiplet, 38 vjeç, konfirmoi romancën duke postuar një foto të Elliot Page me mbishkrimin “Gëzuar Krenarinë”.
Aktori, gjithashtu 38 vjeç, nuk ishte parë publikisht në shoqërinë e dikujt që nga momenti kur njoftoi ndryshimin e tij të gjinisë në vitin 2020. Në një intervistë me Los Angeles Times në qershor 2023, ai ndau se po kalonte “kohën më të këndshme që ka pasur ndonjëherë duke u takuar” dhe theksoi rëndësinë e ndjesisë së vetvetes:
“Bashkëveprimi me njerëzit është shumë më i lehtë dhe më kuptimplotë, sepse nuk ndihem i humbur brenda ose sikur po më shohin në mënyrën e gabuar.”
Para kësaj lidhjeje, Page ishte i martuar me balerinën Emma Portner nga viti 2018 deri në 2021. Në kujtimet e tij të vitit 2023, “Pageboy”, ai zbuloi edhe një lidhje të fshehtë dyvjeçare me një aktore që e quante “Ryan”, e cila nuk kishte dalë më parë në publik.
Gjithashtu, Elliot ka pasur lidhje romantike më parë me aktoret Kate Mara dhe Olivia Thirlby, bashkë-yllin e tij në filmin “Juno”.
Burimi: botasot.info
