Sociologu Gëzim Tushi ishte i ftuar në emisionin Epiqendër të gazetares Sonila Musai, ku foli për rënien e lindshmërisë dhe ndikimin e saj në strukturën demografike të vendit.
Gjatë fjalës së tij, Tushi theksoi se ulja e lindshmërisë nuk është një fenomen i izoluar, por një problem që prek gjithë Europën.
Ai nënvizoi se shumë vende kanë aplikuar praktika të suksesshme për të nxitur lindjet, duke sugjeruar se edhe Shqipëria mund të përfitojë nga këto modele.
Sipas sociologut, situata në vend mbetet shqetësuese, pasi mosha mesatare e popullsisë ka arritur në 44.5 vjeç teksa u shpreh se ritmi i plakjes në Shqipëri është ndër më të lartët, çka përbën një sfidë serioze për të ardhmen ekonomike dhe sociale.
Tushi theksoi se përballë këtij realiteti, nevojiten politika të mirëfillta mbështetëse për familjet e reja.
Burimi: botasot.info
