‘Turistë nga e gjithë bota po shijojnë detin e Sarandës dhe Ksamilit’, Rama: Brigjet e Jonit, joshje me shikim të parë

Kryeministri Rama, në një postim në rrjetet sociale, ka ndarë pamje nga Saranda dhe Ksamil, duke theksuar mikpritjen dhe bukurinë natyrore të zonës.

“Turistë nga gjithë bota po shijojnë këto ditë detin e mrekullueshëm, mikpritjen dhe plazhet publike të Sarandës dhe Ksamilit. 

Shumë prej tyre janë vizitorë besnikë, të tjerët të sigurt që do të rikthehen, sepse brigjet e Jonit janë joshje me shikim të parë dhe e përjetshme.”, shkruan Rama.

Saranda dhe Ksamil kanë njohur një fluks të lartë turistësh këtë sezon, ndërsa infrastruktura e përmirësuar, shërbimet dhe plazhet publike kanë rritur ndjeshëm cilësinë e përvojës për vizitorët vendas dhe të huaj.