Presidenti amerikan, Donald Trump ka zhvilluar një takim në Shtëpinë e Bardhë ku ka folur për luftën në Iran.
Ai tha se operacionet ushtarake amerikane vijuan me forcë të plotë gjatë ditëve të fundit, shkruan Sky News.
“Ato janë zhdukur, Forcat Ajrore janë zhdukur, Marina është zhdukur, shumë anije janë fundosur. Radari i tyre është zhdukur dhe udhëheqësit e tyre janë zhdukur, përveç kësaj, ata po ia dalin mjaft mirë”, tha ai.
Ai thotë se SHBA-të kanë goditur më shumë se 7,000 objektiva në të gjithë Iranin.
“Ne kemi arritur një reduktim prej 90% në lëshimet e raketave balistike dhe një reduktim prej 95% në sulmet me dronë”, shtoi presidenti.
Sipas Trump, më shumë se 100 anije detare iraniane janë fundosur ose shkatërruar gjatë një jave e gjysmë të fundit.
Trump nënvizoi gjithashtu se SHBA-të kanë shkatërruar më shumë se 30 anije minuese, ndërsa pretendon se aftësia e Iranit me dronë po “po bie afër zeros”, pa dhënë prova të mëtejshme.
Burimi: opinion.al
